ភ្នំពេញ៖ តារាកំប្លែងមួយរូបរបស់ CTN នាយ ត្បែង បានទទួលមរណភាព នៅព្រឹកថ្ងៃទី១៥ ខែកុម្ភៈ ឆ្នាំ២០២២នេះ ដោយជួបគ្រោះថ្នាក់ចរាចរណ៍កាលពីសប្ដាហ៍មុន។
បើយោងតាមប្រភពបានឱ្យដឹងថា នាយ ត្បែង បានជួបគ្រោះថ្នាចរាចណ៍ដោយជិះម៉ូតូបុកគោមួយក្បាល កាលពីសប្ដាហ៍មុន ខណៈធ្វើដំណើរចេញទៅច្រៀង នៅឯខេត្តស្វាយរៀង។ លោកលោកបានសម្រាកព្យាបាលនៅមន្ទីពេទ្យក្រោយជួបគ្រោះថ្នាក់ភ្លាមៗ។ ប៉ុន្តែគួរឱ្យសោកស្ដាយ ដោយសារស្ថានភាពធ្ងន់ធ្ងរ រាងកាយមិនអាចទ្រាំទ្រទៀតបាន នាយ ត្បែង បានទទួលមរណភាពនៅព្រឹកថ្ងៃថ្ងៃទី១៥ ខែកុម្ភៈ ឆ្នាំ២០២២នេះ ហើយក៏បានបន្សល់ទុកនូវការសោកស្ដាយ អាឡោះអាល័យពីក្រុមគ្រួសារ៕
