ក្រុងតាខ្មៅ ៖ ជនសង្ស័យ២នាក់ជិះឌ្រីមសង់មួយគ្រឿងឌុបគ្នា តាមធ្វេីសកម្មភាពធាក់ប្លន់យកម៉ូតូ Beat ពីនារី២នាក់ តែភ្លាត់ស្នៀតបណ្ដាលដួលរបួសទាំងអស់គ្នា ភ្លាមៗចាប់បានជនសង្ស័យម្នាក់ និងម្នាក់ទៀតរត់គេចខ្លួនចូលក្នុងដីឡូត៍មួយកន្លែងនៅក្បែរនោះ ត្រូវបានប្រជាពលរដ្ឋសហការជាមួយកម្លាំងអធិការដ្ឋាននគរបាលក្រុងតាខ្មៅ និងកម្លាំងប៉ុស្តិ៍នគរបាលតាខ្មៅ ឡោមព័ទ្ធចាប់ឃាត់ខ្លួនបាន ទាំង២នាក់តែម្តង ។
ករណីធាក់ប្លន់ម៉ូតូទាំងថ្ងៃនេះ កេីតឡេីងនៅរសៀលថ្ងៃទី២៦ ខែមេសា ឆ្នាំ២០២២នេះ នៅមុខច្រកចូលរោងចក្រដើមត្នោត (ខាងលិចរង្វង់មូលព្រែកសំរោង) លើផ្លូវលេខ១១៥ ភូមិព្រែកសំរោង១ សង្កាត់តាខ្មៅ ក្រុងតាខ្មៅ ខេត្តកណ្ដាល ។
បន្ទាប់ពីឃាត់ខ្លួនបាន ជនសង្ស័យទាំងពីរនាក់ ត្រូវបាននាំទៅធ្វេីការសាកសួរ នៅអធិការដ្ឋាននគរបាលក្រុងតាខ្មៅ ដេីម្បីរងចាំកសាងសំណុំរឿងចាត់តាមនិតីវិធី ។ ( ប្រភព ម៉េង )
